Patient EducationMay | 1 | 2022

Sedatif Anestezi - Jeneral (GA)

Jou Egzamen An

Likid transparan (ji pòm, dlo oswa pedyalit) jiska 2 zèdtan avan lè pou l rive a
Lèt tete jiska 4 èdtan avan lè pou l rive a
Timoun ki poko gen 1 an ka pran fòmila jiska 6 zèdtan avan lè pou yo rive a

Tibebe/pitit ou fèt pou mete rad ki laj sou li.
Si l gen yon randevou pou ale fè yon MRI, pa mete okenn rad ki gen metal, kit se bouton oswa fèmti an metal, kit se zip, kit se bouk sentiwon.
Pote rad derechanj pou timoun piti yo, paregzanp kanson kouchèt jetab (pull-ups) oswa kouchèt jetab (diapers), si yo konn itilize yo.
Tanpri lè wap vini, pote fòmila, yon gode oswa yon sison pitit ou pi renmen. Si yo konn gen alèji, pote manje espesyal yo konn manje.

Nou mande pou omwen yon paran oswa responsab legal akonpaye tibebe/timoun nan.
Nou mande w pou pa vini ak lòt frè ak sè, puiske sa ka mete plis presyon sou timoun nan epi apre pwosedi a, reyanimasyon an pral pran 1 a 3 zèdtan.

Si tibebe/timoun nan gen medikaman li pran regilyèman, konsilte pedyat ou pou konnen si w ka bay pitit ou medikaman an avan pwosedi a. Si doktè w la di ou te mèt bay tibebe/timoun nan medikaman an avan egzamen an, tanpri ba li medikaman an ak likid transparan.

Preparasyon pou yon sedatif/GA pran apeprè 1 èdtan.
Tout pwosedi a pral dire ant 2 a 5 èdtan.
Tan egzamen sa a pran varye.
Yon paran oswa responsab legal pral oblije rete pandan tan sa a.
Fè aranjman davans pou ka gen mwayen transpò pou ale lakay ou. Nou pa konseye w pran transpò piblik.

Si pitit ou gen yon rim, si lap touse, si l gen lafyèv, si l gen yon grip, vomisman ak dyare nan jou maten pwosedi a, tanpri rele moun ki Responsab Randevou Pedyatrik la (Pediatric Scheduler) nan617-726-7915 pou pran yon lòt randevou pou fè pwosedi a.
Sizoka w ta gen nenpòt kesyon, tanpri rele Enfimyè Imajri Pedyatrik la nan 617-724-4124.